Ie ue judé - Maison Amani
N aiut che dura tl tëmp y à na fazion positiva ie mé puscibl sce l daunì dl mond, sce i mëndri giapa na educazion y istruzion. Nsci possi miuré si posizion y chëla de si familia.
Nëus son tresora n cuntat cun la diretëura dla Maison Amani Madame Christine.
Ti aiut ie diret, cuncret, nia burocratich y de ulentariat.
Uni euro che vën dunà ruva tres na remetuda diretamenter sun l conto dla Maison Amani a Goma!
ADOZION
Tres na adozion sustënies la furmazion y educazion de duc i mutons dla Maison Amani. Nsci portes pro che truep mutons che ne possa nia se mpermëter de finanzië la scola, giape na furmazion.
Sëuraprò giapa i mëndri un n iede al di n cëif ciaut y assistënza sanitera.
Per na adozion damandons n contribut minim anuel de 100 €. Assan na gran legrëza sce te tulësses la dezijion de fé pea pra nosc proiet!
Uni euro che vën dunà ruva tres na remetuda diretamenter sun l conto dla Maison Amani a Goma!
DUNFIERTA
Uni dunfierta, granda o pitla, ie bënunida!!
Chisc scioldi vën metui a disposizion dla istituzion Maison Amani y unirà adurvei per la furmazion, cura y nutrimënt de duc i mutons coche nce per l mantenimënt dla istituzion nstëssa o per curì vel spëisa d'aministrazion dla lia.
AZION D'AIUT
Essa ueia de mëter a ji na azion per abiné adum n bel gran cëst de aiut?
Chësc fossa pu l mascimo!
Cun chësta sort de aiut sons boni de fé miuramenc ala istituzion, mëter a ji o scumencé proiec nueves per judé inant la Maison Amani, per arjonjer for plu y plu na situazion autonoma dla isituzion, acioche i sibe boni de se mantenì nstësc tl daunì!
N grandiscimo DE GRA bele danora!
Sambën ëis nce la puscibltà de lascé tré ju vosta dunfiërta dala chëutes!